Vegen vidare

Mange vil spørja, kva vil ein med det gamle tømmeret og andre deler frå kyrkja som er teke vare på?

Nokre eldskjelene, som før er nemnde, og andre ynskjer:

1. Å få fagfolk til å registrera tømmeret og ta fram att veggmåleria som no er dekte med “kommune”-farge.

2. Å få laga ei informasjonstavle ved den gamle kyrkjegarden som ligg ved Kongevegen. Kongevegen vert meir og meir brukt av vandrarar, og dei vil gjerne ha informasjon om det dei går forbi.

3. Det endelege målet deira er å få sett oppatt ei kyrkje der den gamle sto. Det kan ta tid, men dei vonar å få sjå den nye-gamle kyrkja reist. Og klarer ikkje dei det, så vil andre som kjem etter få det til.

Det kan synast urealistisk å byggja oppatt kyrkja – men er det det?

I 1747 vart Øye stavkyrkje i Valdres rive. 200 år seinare fann ein att 57 stokkar av den gamle kyrkja. Nokre bygdefolk ville på dette grunnlaget setja opp ei ny kyrkje. Umogeleg og fantasi vart det sagt.
I dag står Øye stavkyrkje der og er ein av dei fremste kulturminna i Valdres.

Lagnaden til gamle Vinje-kyrkja

Av Knut Markhus. Avisa “Hordaland” 15. juli 2000

Dette er saken: I 1671 vart den gamle stavkyrkja på Vinje erstatta av den kyrkja som i dag har fått ny merksemd – eit lite, men svært fint dekorert gudshus. I 1872 vart dette rive, og kort etter sett opp att som soknehus på Draugsvoll. I 1985 vart også dette rive, og arbeidsfolka oppdaga kva materialar huset var sett saman av. No ligg dette lagra hjå Voss Folkemuseum, men er ikkje gjennomgått av fagfolk på kyrkjekunst og kyrkjebygg. Det knyter seg difor stor spenning til verdien av det som ligg i materialstablane.

Kan gamle-kyrkja på Vinje reisa seg frå dei døde?

Av Knut Markhus. Avisa “Hordaland” 8. juli 2000

I 1872 vart den då to hundre år gamle kyrkja på Vinje riven, og Vossestrand mista eit viktig kulturminne. Men kyrkja er aldri blitt gløymt, og kanskje er ho heller ikkje tapt for alltid. Mykje av tømmeret og inventaret er teke vare på, og mange meiner at Voss i dette sit på ein rik kulturskatt. I beste fall kan kyrkja gjenreisast.

I denne artikkelen skal me sjå på historia til Vinjekyrkja. Seinare skal me møta dei som engasjerer seg i denne heilt spesielle kyrkjesaka, og sjå på kva som er gjort og på dei djerve planane vidare.

Saker som er teke vare på

Det gamle tømmeret

Soga om gamlakyrkjo på Vinjo, 1670-1872

Byggekontrakt med Magne Essem (for Gamlekyrkja på Vinjo)

Roald Lyngvær og Kjell Nese : (Oppheim og Vinje kyrkjer, Voss 1971)
Etter at middelalderkyrkja hadde vore i bruk i fleire hundre år, var kyrkja ikkje lengre tidhøveleg. Kring 1670 vart det teke avgjerd om at nye kyrkjer skulle reisast på Vinje og Oppheim. Alt i kyrkjerekneskapen for 1668/69/70 finn ein desse opplysningane (kvart kyrkjerekneskap femner om 3 år så ein finn ikkje det nøyaktige året):